Hinihinalang holdaper patay matapos manlaban sa mga pulis sa Davao City

Patay ang isang umano’y holdaper na nalaban sa mga pulis sa Bankerohan Public Market sa Davao City.

Kinilala ang suspek na si Jayson Gomez, 18 taong gulang.

Ayon sa mga tanod ng Barangay 5-A, kilalang magnanakaw si Gomez sa lugar na ilang beses na rin nakulong.

Ayon kay Chief Inspector Ramil Macarampat, aarestuhin dapat ng mga pulis ang suspek. Aniya, nang makaramdam si Gomez na palapit na ang mga pulis sa kanya, pinaputukan ng suspek ang mga ito, dahilan para paputukan siya ng mga pulis.

Narekober sa lugar ang kalibre .38 ni Gomez.