1 hanggang 2 bagyo posibleng pumasok sa bansa ngayong buwan

Kahit matindi ang init ng panahon sinabi ng PAGASA na posibleng mayroon nang bagyo na papasok sa bansa ngayong buwan.

Ayon kay Ana Liza Solis, OIC ng Climate Monitoring and Prediction Section ng PAGASA, base sa datos ng weather bureau kapag buwan ng Mayo 1 hanggang 2 bagyo ang naitatala na pumapasok sa Philippine Area of Responsibility.

At kahit mananatili aniyang mainit ang panahon sa bansa, mas mapapadalas naman ang mararanasang mga pag-ulan.

Partikular na makararanas ng mas madalas na pag-ulan ang western section ng Luzon ani Solis.

Ayon pa sa PAGASA, maari hindi na makaranas ng La Niña sa bansa ngayong taon.