Patay ang dalawang robbery suspects sa engkwentro sa mga otoridad sa Calamba City sa Laguna.
Ayon sa Calamba City Police Station, alas 2:11 ng madaling araw kanina nang makatanggap sila ng tawag na nilooban ng dalawang armadong kalalakihan ang isang branch ng Shell Gasoline Station sa Barangay Bacnotan.
Mabilis umanong tumakas ang dalawang suspek na sakay ng motorsiklo.
Agad namang nagsagawa ng follow up operation ang mga otoridad at nang mamataan ang dalawang hindi pa nakikilalang suspek sa bahagi ng bypass road ay hinabol na sila ng mga tauhan ng SWAT.
Pinaputukan ng mga suspek ang mga pulis dahilan para mauwi sa engkwentro ang insidente na ikinasawi ng mga ito.
Nakuha mula sa dalawa ang isang kalibre 45 na baril at isang improvised shotgun.