Sa isang pahayag, sinabi ni DOTr Secretary Arthur Tugade na wala siyang sisinuhin sa kanyang departamento na masasangkot sa anumang uri ng kurapsyon. Paliwanag nito, sinusunod lamang niya ang utos ni Pangulong Rodrigo Duterte.
Aniya pa, ang kaso laban kay Abrazaldo ay batay sa report ng National Intelligence Coordinating Agency (NICA), bukod pa sa ilang mga report na mula naman sa DOTr.
Sinabi pa ni Tugade na nanggaling sa pangulo ang utos na sibakin na sa pwesto si Abrazaldo.
Samantala, nilinaw naman ni LTFRB Chairman Martin Delgra na hindi personal ang dahilan sa pagkakatanggal kay Abrazaldo.
Aniya, masyado nang maraming reklamo ang lumalabas laban kay Abrazaldo ay hindi naman aniya maaaring isantabi lamang niya ito.
Samantala, inakusahan naman ni Abrazaldo si Delgra na sangkot rin umano ito sa kurapsyon. Hinamon pa niya ito na magbitiw sa kanyang posisyon.