Streetsweeper nagpakamatay matapos iwan ng misis
Uminom ng silver cleaner ang isang streetsweeper sa Binondo, Maynila na naging sanhi ng kanyang pagkamatay.
Nakilala ang lalaki na si Marcelo Flores Aguirre, 53 anyos, residente ng Vitas, Tondo, Maynila na napag-alamang iniwan ng kanyang misis.
Nag-iwan pa si Aguirre ng ‘suicide note’ na narekober sa tabi ng kanyang mga labi kung saan humihingi ito ng tawad sa kanyang mga anak.
Ang naturang ‘suicide note’ ay nakuha ng kaibigang tricycle driver ni Aguirre na si alyas Jeck-jeck.
Ayon kay SPO3 Donald Panaligan ng Homicide Section Manila Police District, nakita ni alyas Jeck-jeck ang nakalugmok nang si Aguirre sa nakaparada nitong sidecar sa panulukan ng Pinpin at Carvajal Streets.
Isang Rodel Baez, 40 anyos at isa ring tricycle driver pa ang umagaw sa silver cleaner kay Aguirre, hinagis ito sa ilog at kinumbinse itong masarap mabuhay.
Gayunman, nang bumalik anya siya sa terminal bandang tanghali ay nakita niya lamang na nagkakagulo ang mga tao at nadiskubre ang wala ng malay si Aguirre at hindi na humihinga.
Samantala, nabatid na malalaki na ang mga anak ni Aguirre kung saan ang bunso nitong anak na lalaki ay 19 anyos na.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.