Squad leader ng NPA sumuko sa otoridad sa Mountain Province
Dalawang miyembro ng New People’s Army (NPA), kabilang ang isang squad leader ang sumuko sa mga otoridad sa Paracelis sa Mountain Province.
Nakilala ang mga sumukong NPA na sina Rogelio del Rosario alyas Ka Eric na isang squad leader, at Benny Tuginay alyas Ka Manny.
Kapwa kabilang ang dalawa sa Frank Guerilla Unit na nag-ooperate sa Gonzaga, Cagayan.
Kasabay ng kanilang pagsuko sa Paracelis Municipal Police ang kanilang pag-surrender ng isang carbine rifle at dalawang magazine na kargado ng sampung bala; at isang M16 at isang magazine na kargado ng 5 bala.
Ayon kay Cordillera Police Regional Office information officer Chief Inspector Carolina Lacuata, titiyakin nila na maayos na makakabalik sa normal na pamumuhay ang dalawang sumukong rebelde.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.