Application period para sa posisyon ng Ombudsman, pinalawig ng JBC

Pinalawig ng Judicial and Bar Council ang application period para sa posisyon ng Ombudsman hanggang May 15 mula May 2.

Ito ay kaugnay ng pagtatapos ng pitong taong termino ni Ombudsman Conchita Carpio-Morales sa July 26.

Ayon sa JBC, tatanggap sila ng aplikasyon hanggang 4:30 ng hapon sa May 15.

Ang council ang nagsasagawa ng screening ng mga aplikante para sa mga posisyon sa hudikatura at sa Office of the Ombudsman.

Pagkatapos nito ay magrerekomenda sila ng mga pwedeng italaga ni Pangulong Rodrigo Duterte sa naturang mga posisyon.