Senator Manny Pacquiao nakaharao isa sa mga aktor sa Game of Thrones
Nagkaharap sina Senator Manny Pacquiao at ang Game of Thrones actor na kilala sa tawag na The Mountain.
Nasa bansa ang aktor para sumali sa 41st World’s Strongest Man competition.
Sa larawan na ibinahagi ng Department of Tourism (DOT) ay makikita si Pacquiao na nakatayo sa pagitan ni The Mountain at ni dating Ilocos Sur Governor Chavit Singson.
Isa ang ang aktor sa tatlumpung contenders para sa WSM Title.
Sa April 28 ang unang araw ng qualifiers sa Rizal Park kung saan maglalaban ang mga contestants sa load and carry at circle of strengths events.
Sunod na paglalabanan ang squat lift, dead lift at kettle bell toss events.
Magkakaroon din ng bus pull at arm over arm events sa April 30 sa Quirino Grandstand.
Ang huling araw ng qualifiers ay sa May 1 kung kailan susubukan ang mga contestants sa overhead press log, overhead press dumbbells at atlas stones events.
Sa May 5 at 6 ang finals kung kailang idedepensa ng British strongman na si Eddie Hall ang kanyang titulo.
Ito ang magandang balita, libreng mapapanood ang lahat ng events sa World’s Strongest Man.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.