Pitongdaan pa lamang sa tinatayang 30,000 formal at informal workers sa Boracay Island ang nabigyan ng tulong pinansiyal ng Department of Social Wefare and Development (DSWD).
Ayon kay DSWD Region 6 Dir. Rebecca Geamala patuloy naman ang ginagawa nilang assessment sa mga libu-libong nawalan ng trabaho dahil sa pagsasara sa isla.
Inamin din ng opisyal na hindi magkakatulad ang halaga ng ibinibigay nilang tulong sa mga naapektuhang manggagawa.
Paliwanag nito, ang halaga ay depense sa pangangailan ng mga manggagawa.
Aniya ang mga hindi residente ng Malay, Aklan ay binibigyan ng pamasahe pauwi at sila ay iniendorso na lang sa nakakasakop sa kanilang lokal na opisina ng DSWD.
Samantala ang residente ng Malay ay binibigyan ng livelihood assistance at sila din ang prayoridad sa mga kinukuhang magtatrabaho para sa rehabilitasyon ng isla.