Nagulat at nalungkot si Sister Patricia Fox nang malaman ang desisyon ng Bureau of Immigration (BI) na nagbabawi sa kaniyang missionary visa at nag-aatas sa kaniyang umalis ng bansa sa loob ng 30-araw.
Ganito inilarawan ni Sister Fox ang kaniyang naramdaman matapos makarating sa kaniya ang balita.
Sa press conference, sinabi ni Sister Fox n asana ay magkaroon siya ng pagkakataon na maipaliwanag kung ano ba ang ‘missionary work’.
Ito rin aniya ang unang pagkakataon na nangyari ito sa kaniya sa loob ng 27 taon na pananatili niya sa bansa.
Ayon naman kay Atty. Jobert Pahilga, abogado ni Fox, maghahain pa rin sila ng counter affidavit sa supplemental report ng BI kung saan inaakusahan ang madre na lumalahok sa partisan political activity.
Nang tanungin kung babalik pa siya ng Pilipinas, sinabi ni Sister Fox na mahirap nang ituloy ang kaniyang missionary works kung tourist visa ang kaniyang hawak.