2 kotong cops, arestado ng CITF sa entrapment operation sa Pasay
Kalaboso ang dalawang pulis sa ikinasang entrapment operation ng Counter-Intelligence Task Force ng Philippine National Police.
Naaresto ang mga pulis na sina PO2 Jerry Adjani Jubail at PO1 Michael Mindevil Domalanta sa Dela Cruz St., Malibay, Pasay City.
Ito’y matapos silang mahuli na tumatanggap ng lagay mula sa isang complainant.
Base sa reklamo, nangongolekta raw ang 2 pulis ng P300 hanggang P500 pesos sa bawat bus/van driver para payagan silang mag pick-up ng mga pasahero sa illegal terminal.
Nasa kustodiya na ng CITF sa Camp Crame ang mga pulis at nakatakdang isalang sa inquest para masampahan ng kaso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.