Benguet nakaranas ng hail storm

Sa gitna ng matinding init sa bansa, nagkaroon ng hail storm o pag-ulan ng yelo sa Benguet.

Makikita ang kakaibang hail storm na tumagal ng isang oras sa mga larawan at video ng Facebook Page na Youlike Cordillera PH.

Ayon sa mga netizens, bumagsak ang yelo sa mga bubungan, sasakyan, at kalsada.

Mapapanood sa video ng netizen na si Alexis Mae Mendoza ang pagbagsak ng yelo sa ilang barangay sa mga munisipalidad ng Atok at Kibungan.

Nagkakaroon ng hail storm kapag umakyat ng lampas sa freezing level ang mga patak ng ulan mula sa thunderstorm.