Comelec, ‘all systems go’ na para sa filing ng COC bukas
‘All systems, Go’ na ang Commission on Elections para sa paghahain ng Certificate of Candidacy na magsisimula bukas October 12 hanggang October 16.
Apela ni Comelec Commissioner Andres Bautista sa mga tagasuporta ng mga kandidato, maging mahinahon sa pagtungo sa kanilang tanggapan sa Intramuros Manila.
Magsisimula aniya ang filing ng COC dakong alas 8:00 ng umaga at tatagal lamang ng hanggang alas 5:00 ng hapon.
Nilinaw ni Bautista na hindi tutol ang Comelec kung gawing mala- fiesta ng mga tagasuporta ang paghahain ng COC basta’t siguraduhin lamang na hindi maabala ang operasyon ng kanilang tanggapan.
Lilimitahan din aniya ng Comelec ang pagpasok ng mga taga suporta maging ang media interview sa mga kandidato.
Ayon kay Bautista, may inilaang kwarto ang Comelec para sa media interview pati na ang malaking screen sa labas ng tanggapan para makita ng mga hindi makakapasok na mga taga suporta.
May ilang mga pulitiko na rin ang kanilang kinausap at pumayag na gawing ‘by schedule’ ang pagpunta sa tanggapan ng Comelec para maghain ng COC.
May ilang mga kakandidato na ang nakatakdang pumutna ng maaga bukas, ngunit marami aniya ang gustong magpunta sa October 15, araw ng Huwebes.
Hinala ni Bautista, may kinalaman sa pamahiin o feng-shui ang kahilingan ng mga ito na magtungo at maghain ng COC sa naturang araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.