Patay ang isang lalaking nag-momotorsiklo matapos mahulog sa flyover sa Aurora Boulevard sa Cubao Quezon City kaninang madaling araw.
Kinilala ang biktima na si Jonathan Tobias.
Ayon sa mga saksi, galing ng EDSA at patungo ng Sta Mesa sa Manila ang biktima.
Mabilis umano ang takbo ni Tobias dahilan para sumampa ang motorsiklo sa bakal na harang ng flyover.
Gayunman, tanging si Tobias lamang ang nahulog sa flyover at naiwan ang motorsiklo.
Nabatid na nakasuot ng helmet ang biktima subalit bago pa man tuluyang lumagapak sa semento ay natanggal na ito dahilan para mabasag ang ulo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.