Eroplano ng Cebu Pacific, humambalang sa runway ng Zamboanga Airport; nagdulot ng temporary closure sa paliparan
Dahil sa problema sa steering, humambalang sa runway ng Zamboanga International Airport ang isang eroplano ng Cebu Pacific, Lunes (April 23) ng umaga.
Sa abiso ng airline company ang eroplano na may flight number 5J 849 biyaheng Manila-Zamboanga ay humito sa runway ng paliparan.
Ligtas naman ang lahat ng pasahero nito at naibaba lahat sa eroplano.
Dahil sa nasabing insidente, pansamantalang isinara ang Zamboanga International Airport runway.
Nagdulot naman ito ng pagka-delay sa mga biyahe ng Cebu Pacific kabilang ang mga sumusunod na flights:
• 5J 851 Manila-Zamboanga
• 5J 839 Zamboanga-Tawi Tawi
• 5J 840 Zamboanga-Tawi Tawi
Humingi ng paumanhin ang Cebu Pacific sa abalang idinulot ng insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.