Ibinalik na ngayong araw ng ridesharing company na Grab ang kanilang times 2 na maximum price surge.
Ito ay matapos muling payagan ng Land Transportation Franchising and Regulatory Board (LTFRB)
ang Grab na muli itong ibalik matapos ang akreditasyon ng mga bagong Transport Network Companies (TNCs).
Sa isang kautusan na nilagdaan noong Huwebes at inilabas noong Biyernes, April 20, ibinalik na ng LTFRB ang price surge.
Matatandaang pinababaan ito ng LTFRB sa times 1.5 lamang habang wala pang ibang akreditadong TNC sa bansa.
Dahil sa times 2 na price surge, ang normal na pasahe sa Grab na 200 ay magiging 400 na sa tuwing sasapit ang rush hour.
Inaprubahan ng LTFRB noong nakaraang linggo ang akreditasyon ng tatlong bagong TNCs na GoLag Inc., Hirna Mobility Solutionc Inc. na isang taxi hailing application at Hype Transport Systems Inc. na isa ring ridesharing company.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.