Mga pampasabog nakumpiska sa dalawang suspek sa Baguio City

Nakumpiska ang hindi bababa sa 250 iba’t ibang uri ng pampasabog tulad ng mga dinamita ang nakumpiska sa dalawang lalaki sa Baguio City.

Nagsagawa ng operasyon ang pulisya matapos ang ilang buwan manmanan ang dalawang suspek.

Ayon kay Chief Insp. Carolina Lacuata, taga-suplay umano ng pampasabog sa mga minero ang mga suspek.

Dagdag ni Lacuata, inaalam pa nila kung sila rin ang supplier ng pampasabog sa komunistang grupo.

Nakadetine ngayon sa Baguio City Jail ang dalawang hindi pinangalanang suspek.

Mahaharap sila kasong illegal possession of explosives at paglabag sa ipinatutupad na gun ban ng Comelec.