Nuclear testing ng North Korea ititigil na

Simula ngayon araw ay ititigil na ng North Korea ang lahat ng kanilang missile at nuclear tests.

Handa na rin umano ang nasabing bansa na buksan para sa inspeksyon ang kanilang nuclear test site.

Sinabi ng Korean Central News Agency na epektibo ngayong araw ang nasabing kautusan na pinagtibay ng Worker’s Party na pinamumunuan mismo ni Kim Jong-un.

Nauna nang sinabi ng ilang foreign observers na kapuna-puna ang paglambot ng North Korea sa kanilang nuclear program.

Posible umano may kaugnayan ito sa nakatakdang pulong nina U.S President Donald Trump at North Korean President Kim Jong-un sa kalagitnaan ng buwan ng Mayo.

Sa susunod na linggo ay may pagpupulong rin ang ang mga pinuno ng South at North Korea.