Ito pahayag ni PNP Spokesperson Police Chief Supt John Bulalacao sa pagkakatalaga kay Police Director Oscar Albayalde bilang bagong PNP Chief.
Ayon kay Bulalacao kilalang mahusay at may integridad si Albayalde kaya mananatili aniyang mataas ang morale ng kanilang hanay.
Hindi rin daw daw magiging problema ang kanilang transition dahil tuloy lang ang programa na nasimulan na ni Ronald Dela Rosa kagaya ng Oplan Tokhang at Double Barrel.
Dagdag pa nya, kilalang disciplinarian si Albayalde at mas makabubuti aniya sa kanilang hanay kung mapaparusahan o maalis sa serbisyo ang ilan nilang kasamahan kung naliligaw ng landas.
Nakakasira aniya sa imahe ng kanilang organisasyon at pagseserbisyo sa bayan ang mga tiwaling pulis.
Si Albayalde ay uupo na ngayong araw bilang ika 22 PNP Chief.