Kabataang Maranao inspirasyon ni Anne Curtis sa sasalihang marathon
Handa na si Anne Curtis na sumabak sa 42 kilometrong marathon para sa magaganap na London Marathon sa April 22.
Sa panayam ng Inquirer Entertainment, sinabi ng Kapamilya actress na gagamitin niyang inspirasyon para sa nasabing marathon ang mga kabataang Maranao.
Aniya, lahat ng kanyang malilikom na pera ay mapupunta para sa mga kabataang Maranao.
Sinabi pa ni Anne na bagaman tapos na ang giyera sa Marawi City ay hirap pa rin ang mga kabataan doon, partikular na sa kasalukuyan nilang estado sa buhay at pag-aaral.
2009 pa nang sinimulan ni Anne na suportahan ang United Nations Children’s Fund (Unicef) at sa katunayan ay pinangalan na siya bilang Unicef Celebrity Advocate for Children.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.