Nananatili sa 7.5 milyong tourist arrivals ang target ng Department of Tourism na maitala ngayong taon.
Ipinahayag ito ni DOT Secretary Wanda Teo sa kabila ng pansamantalang pagsara sa Boracay.
Sinabi ni Teo na hindi dapat isipin na ang temporary closure sa sa isla ay nangangahulugang babagsak na ang Turismo sa bansa.
Iginiit ng kalihim na marami pang maaaring ialok ang DOT.
Ayon kay Teo, mula sa Boracay ay nagpa-rebook ang ilang turista sa iba pang tourist destinations gaya ng Bohol, Cebu at Palawan.
Mayroon din naman aniyang nagpa-rebook sa Boracay sa panahong tapos na ang anim na buwang rehabilitasyon sa isla.
Sinabi rin ni Teo na sisilipin nila ang posibilidad na maging isa sa mga venue ng susunod na Miss Universe Pagenat ang Boracay.