Ayon kay PBA Commissioner Willie Marcial, bagaman may pangangailangan na magkaroon ng break ang liga ay hindi nila ito magagawa dahil na-stretched na ang calendar games ng season na ito para sa Asiad games.
Dahil dito, tuloy-tuloy lang ang magiging schedule ng mga laro sa PBA sa kasagsagan ng international competition.
Sa bahagi naman ng Samahan ng Basketball ng Pilipinas, kanilang sinabi na patuloy ang kanilang pakikipag usap sa mga manlalaro ng Gilas na kanilang ipapadala.
Nagsimula na rin daw ang kanilang ensayo sa ilalim ni Coach Jong Uichico at Josh Reyes.
Nasa 23 mga manlalaro ang inaasahang bubuo sa Gilas Cadets.
Ang Asiad games ay gaganapin sa Jakarta at Palembang sa August 18 hanggang September 2.