LOOK: Grupo ng mga kabataan nagsagawa ng Black Friday protest sa UP

Nagsagawa ng Black Friday protest ang mga estudyante at militanteng grupo sa University of the Philippines (UP) Diliman sa Quezon City.

Aabot sa 400 mga mag-aaral ang nagtipun-tipon sa Palma Hall sa UP Diliman at nagsagawa ng noise barrage bago nagmartsa sa mga kalsada sa unibersidad.

Bitbit ng mga estudyante ang mga tarpaulin at placard na nananawagan na wakasan na ang martial law sa Mindanao.

Hiniling din nilang huwag ituloy ang pagsusulong Charter Change sa Kamara.

Noong mga nakalipas na Biyernes ay naglunsad na rin ng kahalintulad na protesta ang mga mag-aaral.