Mga motorista pinaiiwas sa Ortigas Center sa Lunes, Apr. 16
Inabisuhan ng Metro Manila Development Authority (MMDA) ang mga motorista na iwasan ang mga lansangan sa palibot ng Ortigas Central Business District sa Lunes, April 16, dahil sa isasagawang convoy dry-run para sa 51st Annual Meeting of the Asian Development Bank (ADB) na gaganapin sa Mayo.
Sa abiso ng MMDA, makapagdudulot ng masikip na daloy ng traffic ang gagawing dry run na mag-uumpisa alas 7:00 ng umaga hanggang alas 12:00 ng tanghali.
Wala namang kalsada na isasara sa kasagsagan ng dry run.
Ang nasabing meeting ay gaganapin sa ADB headquarters sa Mandaluyong City mula May 3 hanggang 6, 2018.
Darating sa bansa ang mga delegado mula sa member-economies ng ADB para dumalo.
Sa abiso ng MMDA, maaapektuhan ng dry run ang sumusunod na lugar:
- Mula ADB Headquarters hanggang Edsa Shangri-La via Bank Drive (8:30 a.m.)
- Affected routes: Bank Drive hanggang Saint Francis Street
- Mula Edsa Shangri-La hanggang Ninoy Aquino International Airport Terminal 1 (9:15 a.m.)
- Affected routes: EDSA Shangri-La to St. Francis Street, Shaw Boulevard, EDSA, South Luzon Expressway, Skyway, portion of NAIA Expressway, Imelda Avenue
- Mula Ninoy Aquino International Airport Terminal 1 hangang Joy-Nostalg Hotel (10:30 a.m.)
- Affected routes: Imelda Avenue hanggang NAIA Road, NAIA Expressway, Skyway, SLEX, EDSA, Guadix, ABD Avenue
- Entrance patungong ADB Main Driveway (11:30 a.m.)
- Affected routes: Guadix Drive, mula EDSA hanggang ADB Drive
Maari ding makaranas ng pagsisikip sa daloy ng traffic sa mga sumusunod na lugar sa kasagsagan ng dry-run:
- Magallanes Interchange
- Ayala Underpass (Northbound and Southbound)
- Guadalupe MRT Northbound
- Shaw Blvd corner EDSA
- Shaw Blvd Service Road Northbound
- Shaw Underpass (Northbound and Southbound)
- Guadix Drive
- ADB Avenue ADB HQ
- Bank Drive corner Julia Vargas
- St Francis corner Julia Vargas
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.