7 arestado kabilang ang 3 Chinese national, sa sinalakay na shabu lab sa Batangas

Arestado ang tatlong Chinese national at apat na Pinoy sa pagsisilbi ng search warrant ng mga otoridad sa Hingoso Farms Brgy. Sto Nino, Ibaan, Batangas.

Nilusob ang farm na sinasabing shabu laboratory ng pinagsanib na pwersa ng Philippine Drug Enforcement Agency (PDEA), Armed Forces of the Philippines (AFP) at ng Ibaan Municipal Police Station.

Ayon kay Derrick Carreon, tagapagsalita ng PDEA, tatlong linggo pa lang na nag-ooperate ang laboratory at kaya nitong gumawa ng 25 kilo ng shabu sa isang araw bukod pa sa ecstacy.

Nagresulta ang nasabing operasyon sa recovery ng controlled precursor, essential chemical warehouse at clandestine shabu laboratory.

Nagsimula ang ang pagsalakay sa nabanggit na lugar alas-5:30 ng umaga ng Huwebes.