Nakipagsalu-salo sina Pangulong Rodrigo Duterte at partner niyang si Honeylet Avanceña sa isang hapunan kasama ang kanilang mga kaibigan sa Hong Kong.
Sa mga larawan na inilabas ng Malakanyang, present din sa dinner sa Harbour view sa Hong Kong sina Special Assistant to the President Christopher “Bong” Go, Foreign Affairs Secretary Alan Peter Cayetano, at Chief Presidential Legal Counsel Salvador Panelo.
Nagpakuha din ng larawan ang pangulo sa mga guest sa nasabing dinner na ayon inilarawan ng Palasyo na pawang “old friends” ni Duterte at Avanceña.
Walang naging schedule ng official engagement ang pangulo sa Hong Kong kahapon dahil ngayong araw pa ang pakikipag-usap niya sa mga OFWs doon.
Sa Biyernes ng umaga inaasahang babalik ng bansa ang pangulo.