Sa panayam ng Radyo Inquirer, sinabi ni Public Attorneys’ Office Chief Persida Rueda-Acosta, mahigit 100 na ang batang nasawi na naturukan ng Dengvaxia.
Sa nasabing bilang, 44 pa ang ang naisailalim ng PAO sa autopsy dahil ang ibang magulang ay ayaw nang ipagalaw ang katawan ng nasawi nilang anak, habang ang iba ay nag-migrate na lamang matapos mamatayan ng anak.
Ayon kay Acosta, ngayong araw sasailalim sa pagsusuri ng PAO ang ika-45 kaso ng batang nabakunahan ng Dengvaxia, nagkasakit at pagkatapos ay nasawi.
Habang isa pang batang nasawi mula sa Cebu ang nakatakda ring isailalim sa otopsiya na ika-46 na kasong mahahawakan ng PAO.