Summer season panandalian lang; hanging habagat maagang papasok sa bansa
Matapos ang kakaanunsyo pa lamang na pagsisimula ng dry season o tag-init ay maaaring magtapos agad ito at hindi tatagal ng dalawang buwan ayon sa PAGASA.
Ayon sa weather bureau, inaasahan kasing papasok na ang southwest monsoon o hanging habagat sa ikatlong linggo ng Mayo.
Ang habagat ang hangin na nagdadala ng pag-uulan sa bansa.
Sinabi ng weather bureau na tulad noong nakaraang taon na maagang pumasok ang habagat ay nagtapos din agad ang dry season.
Noong 2017 ay idineklara ang tag-init noong April 5 habang pumasok ang habagat noong May 24.
Pinapayuhan naman ng PAGASA ang publiko na magdala ng payong bunsod ng mga isolated rainshowers na maaaring maranasan sa hapon o gabi kahit na nasa kasagsagan ng summer season ang bansa.
Maari naman umanong pumasok sa bansa ang isang bagyo para sa buwan ng Abril.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.