Pang. Duterte nagtalaga pa ng dalawang miyembro ng ConCom
Nadagdagan pa ang miyembro ng binuong Consultative Committee (ConCom) na inatasang i-review ang mga probisyon ng 1987 constitution.
Ito ay matapos italaga ni Pangulong Rodrigo Duterte sina dating Philippine Navy Commodore Rex Cambronero Robles at Atty. Jose Martin Azcarraga Loon sa nasabing consultative body.
Mapapabilang na si Robles at Loon sa 20 pang indibidwal na nauna nang pinangalanan at itinalaga ng pangulo na inatasang pag-aralan ang mga panukalang nais amyendahan ang konstitusyon tungong federalismo.
Noong December 2016 nang lagdaan ni Duterte ang Executive Order No. 10 na bumuo sa ConCom at magkakaroon nang hindi lalampassa 25 miyembro.
Si dating Chief Justice Reynato Puno ang itinalagang Chairperson ng ConCom.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.