1 preso na lang ang tinutugis sa 17 bilanggo na tumakas sa Zamboanga City

Isang preso na lang ang hindi pa nadadakip mula sa 17 preso na tumakas sa jail break na naganap kahapon, araw ng Martes sa Zamboanga City.

Ayon sa Zamboanga City Police Office, tanging ang bilanggo na si Sali Sulayman na lamang ang pinaghahanap ngayon ng mga otoridad.

Ito ay makaraang muling maaresto ang 16 na mga preso na tumakas matapos lagariin ang padlock ng kanilang selda sa
Tetuan Police Station.

Ipinag-utos na ni Zamboanga City Mayor Beng Climaco ang imbestigasyon sa nasabing insidente.

Dapat aniya managot kung mayroong pulis na mapapatunayang nagpabaya sa tungkulin kaya nakatakas ang mga bilanggo.