Pangulong Duterte nasa Hong Kong na matapos dumalo sa Boao Forum

Matapos ang matagumpay na pagdalo sa Boao Forum kung saan lumagda ang Pilipinas sa mga bilateral agreements at mga kasunduan sa pagnenegosyo ay nasa Hong Kong na si Pangulong Rodrigo Duterte.

Pasado alas-11ng gabi sa Hong Kong ng lumapag ang sinasakyang eroplano ni Duterte sa Hong Kong International Airport.

Sinalubong siya nina Philippine Consul General to Hong Kong Special Administrative Region (SAR) of the People’s Republic of China na si Antonio Morales at iba pang opisyal ng Hong Kong Government.

Nasa Hong Kong ang pangulo para sa isang Working Visit at inaasahang makakadaupang palad ang Filipino Community doon.