Mayweather muling lalaban sa MMA

Posibleng sumabak muli sa sports ang sikat na boksingerong si Floyd Mayweather.

Pero ayon kay Mayweather hindi na sa mundo ng boxing kundi sa mixed martial arts (MMA).

Nilinaw pa ni Mayweather na hindi na rin ang sikat na MMA star na si Conor McGregor ang kanyang makakalaban kundi iba nang MMA star.

Matatandaang naglaban na sina Mayweather at McGregor sa boxing kung saan natalo si McGregor.

Sinabi pa ni Mayweather na lalaban lamang siya sa MMA kapag tama ang halaga at nasa 145lbs. division.

Nakausap na rin ni Mayweather ang kanyang trusted adviser na si Al Haymon at hindi naman umano ito tumutol sa kanyang plano.