Dalawa katao, patay makaraang malunod sa Negros Occidental

Naging kalunos-lunos ang summer outing ng isang magkakamag-anak sa Silay City, Negros Occidental.

Iyan ay makaraang malunod ang dalawa sa kanilang kapamilya sa Brgy. Kapitan Ramon sa nabanggit na lungsod.

Sinasabing tinangay ng malakas na alon ng ilog si Georgina Pesante, 57-anyos na sinubukan namang sagipin ni Reynaldo Oredina, 53, pero nabigo ito at inanod din.

Naisugod pa sa ospital ang 2 biktima, pero kapwa idineklarang dead-on-arrival.