WATCH: Flash Mob ng graduating students sa San Pablo, Laguna viral sa social media

Viral ngayon sa social media ang video ng isang flash mob ng mga graduates at completers ng San Jose National High School sa San Pablo, Laguna.

Ang video ay ibinahagi ng teacher na si June Kathleen Bolivar-Mandayo sa Facebook.

Sa ngayon nagtala na ito ng lampas 2,000,000 views, 99,000 reactions at 55,000 shares at nakatatanggap ng mga positibong komento mula sa netizens.

Punong-puno ng enerhiya na sinayaw ng mga mag-aaral sa kanilang commencement exercises at moving up ceremony ang mga kantang ‘The Time’ ng Black Eyed Peas, ‘Best Day of my Life’ at ang sikat na ‘We’re All in This Together’ ng High School Musical.