Bukas nang muli at magagamit nang publiko ang Escolta station ng Pasig River Ferry.
Ang muling pagbubukas ng Escolta station ay inaasahang makapagse-serbisyo sa mga ferry riders na bibiyahe pa-Maynila.
Matatagpuan ang Escolta station sa Muelle dela Industria sa Maynila malapit sa Jones Bridge.
Ayon sa abiso ng Mertropolitan Manila Development Authority (MMDA) sa mga pasahero na mayroong katanungan tungkol sa Pasig River Ferry Service, maari silang tumawag sa 882-54151 hanggang 77 local 1061 o 1062.
Bukas ang Ferry Service mula Lunes hanggang Sabado at nag-uumpisa ang first trip alas 6:30 ng umaga mula sa Guadalupe Station papuntang Plaza Mexico.
Ang huling biyahe naman ay alas 5:30 ng hapon mula Plaza Mexico papuntang Guadalupe.
At ang mula Guadalupe papuntang Pinagbuhatan ay 5:30 ng hapon din ang huling biyahe.