Running trains ng MRT umabot sa 16 Huwebes ng gabi; pinakamataas mula Enero
Kasabay ng positibong pagtanggap sa tila ay gumagandang serbisyo ng Metro Rail Transit (MRT 3), 16 na tumatakbong tren na may tig-tatatlong bagon ang nagawang bumiyahe kagabi.
Ito na ang pinakamataas na record ng running trains simula pa noong Enero.
Noong January 5 pa huling nakapagpatakbo ang MRT ng 15 functional trains.
Ayon kay MRT 3 Director for Operations Michael Capati, 16 na tren ang tumatakbo bandang 7:24 ng gabi ng Huwebes na dahilan upang mapababa sa 5.5 minutes ang train arrival sa bawat istasyon.
Matatandaang nauna nang ipinahayag ng management ng MRT 3 na mas marami pang tren ang kanilang maidedeploy dahil na rin sa pagdating ng spare parts.
Nagsimulang dumami ang bumabyaheng tren ng MRT 3 matapos ang matagumpay na maintenance works sa pangunguna ng Department of Transportation noong Holy Week.
Naging kontrobersyal ang linya ng tren matapos ang pagbaba ng running trains nito sa 6-12 noong mga nakaraang linggo.
Ipinangako rin ng management ng MRT 3 na bago matapos ang taon na maitataas sa 20 ang tumatakbong tren.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.