Magnitude 3.0 na lindol tumama sa Masbate at Davao Oriental kaninang madaling araw

Niyanig ng halos magkasunod na pagyanig ang mga lalawigan ng Masbate at Davao Oriental kaninang madaling araw.

Kapwa may lakas na magnitude 3.0, unang naitala ang lindol alas-2:50 sa layong limang kilometro Silangan ng Batuan, Masbate.

May lalim itong 15 kilometro.

Makalipas ang limang minuto o alas 2:55, tumama rin ang pagyanig na may kaparehong lakas sa layong 51 kilometro sa Silangan ng Tarragona, Davao Oriental.

May lalim naman itong 12 kilometro.

Kapwa tectonic ang dahilan ng dalawang pagyanig

Hindi naman inaasahan ang pinsala sa ari-arian at mga aftershocks.