Sa isang episode ng Netflix program na “My Next Guest Needs No Introduction with David Letterman,” ay sinabi ni Jay-Z na masaya siyang malaya na ang kanyang ina na si Gloria Carter.
Aniya, matagal na niyang alam na lesbian ang kanyang ina, ngunit unang beses pa lamang nilang napag-usapan ang tungkol dito noong walong buwan na ang nakakaraan.
Kwento pa ni Jay-Z, napwersa ang kanyang ina na magpanggap bilang straight noong sila ay mga bata pa dahil natatakot umano ito na mapahiya ang kanyang mga anak.
Isinapubliko ni Gloria ang kanyang sekswalidad noong 2017 sa pamamagitan ng kantang “Smile” ni Jay-Z, kung saan na-feature ang kanyang tula na “Livin in the Shadows.”