14 na tren ng MRT-3 ang bumibiyahe ngayong umaga – DOTr

Sampung tren ng Metro Rail Transit (MRT-3) ang bumiyahe sa pagbubukas ng operasyon nito ngayong Lunes ng umaga.

Sa abiso ng pamunuan ng MRT-3, alas 5:25 ng umaga ay labingdalawang tren nila ang operational.

Ayon sa MRT-3 sampu sa nasabing bilang ang agad na nai-deploy, habang ang dalawa ay pina-standby muna.

Samantala, pagsapit naman ng alas 6:21 ng umaga, sinabi ng MRT-3 na umabot na sa 14 ang running trains.

Pasado alas 8:00 ng umaga o kasagsagan ng rush hour ay wala ring naitalang pila ng mga pasahero sa mga istasyon ng tren.

Noong Martes ng gabi, mula alas 6:30 ng gabi hanggang alas 9:00 ng gabi ay labinglimang tren ng MRT ang nai-deploy.