Bahagi ng Caloocan, QC, Las Piñas, Muntinlupa at Parañaque, mawawalan ng suplay ng tubig ngayong araw
May nakatakdang water service interruption ang Maynilad ngayong araw sa ilang bahagi ng Caloocan, Quezon City, Las Piñas, Muntinlupa at Parañaque,.
Sa Quezon City maaapektuhan ng water interruption ang bahagi ng Brgy. Salvacion at Brgy. San Isidro Labrador mula alas 10:00 PM ng gabi mamaya hanggang alas 4:00 ng umaga bukas.
Sa Caloocan naman maaapektuhan ang bahagi ng Brgy 168 at 171 simula alas 11:00 ng gabi mamaya hanggang alas 4:00 ng umaga bukas.
Samantala, magpapatuloy ang nararanasang water interruption sa bahagi ng Las Pinas City, Muntinlupa City at Paranaque City.
Sa abiso ng Maynilad, dahil sa kanilang emergency repair, maghapong walang suplay ng tubig sa Barangay Almanza Uno, Pilar, Talon Uno, Talon Tres, Talon Kwatro at Talon Singko sa Las Pinas.
Apektado din ang Barangay Alabang at Ayala Alabang sa Muntinlupa City at ang barangay BF Homes sa Paranaque.
Nagsimula ang interruption kaninang alas 5:00 ng umaga at tatagal ito hanggang alas 6:00 ng gabi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.