Registration sa mga nais mag-avail ng amnesty program sa Kuwait hanggang April 12 na lang ayon sa DFA
Pinaalalahanan ng Department of Foreign Affairs (DFA) ang mga Pinoy na nagtatrabaho sa Kuwait na nalalapit nang matapos ang deadline para sa amensty program ng pamahalaan doon.
Sa abiso ng DFA, mayroon na lamang 10-araw ang mga OFWs para mag-avail ng amesty program ng Kuwaiti Government.
Ayon sa DFA, sa April 12 kasi ang huling araw ng pagpaparehistro para sa nais mag-avail ng amnestiya.
Ang mga nais humabol sa nalalabing 10 araw ng pagpaparehistro ay pinapayuhang magtungo sa konsulada ng Pilipinas sa Kuwait.
Matatagpuan ito sa Humaidi Street sa Al Siddeeq Area, South Surra.
Sinabi ng DFA na tumatagal ng sampung araw ang pagproseso sa mga kailangang dokumento at clearance para sa amnesty program.
Kaya para maabutan ang April 22 deadline ng gobyerno ng Kuwait, dapat ay magparehistro na bago sumapit ang April 12.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.