Timbog sa ikinasang buy bust operation ng Pasay City Police – Station Drug Enforcement Unit (SDEU) ang limang kalalakihan sa Barangay 177, Malibay, Pasay.
Nakilala ang mga suspek na sina Rico Faderon alyas Balot, 43 taong gulang; Isidro Hain alyas Eddie, 23 taong gulang; Ric Paule, 53 taong gulang; Wazelle Wheller alyas Waze, 42 na taong gulang; at Anthony Manuel alyas Tony, 49 na taong gulang.
Si Faderon ang pangunahing target ng operasyon. At ayon sa mga otoridad, nasa drugs watchlist ang naturang suspek.
Nakumpiska mula sa mga suspek ang 7 maliliit na sachet na naglalaman ng hinihinalang shabu, isang sumpak na kargado ng limang bala, at mga drug paraphernalia.
Lahat ng limang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002. Habang kakasuhan rin si Faderon ng paglabag sa Republic Act 10591 o Illegal Possession of Firearms and Ammunition.