Samar, Northern Luzon makararanas ng pag-ulan ngayong araw

Makararanas ng maulap at kalat-kalat na pag-ulan na may kasamang thunderstorms ang probinsya ng Samar bunsod ng Severe Tropical Storm “Jelawat” ngayong araw, Linggo ng Pagkabuhay.

Batay sa 4:00 AM weather bulletin ng PAGASA, namataan ang STS Jelawat sa layong 2,265 East ng Aparri, Cagayan sa labas ng Philippine Area of Responsibility (PAR).

Maliban sa Samar, makararanas din ng maulap at kalat-kalat na pag-ulan ang Cagayan Valley, Cordillera Administrative Regions (CAR), Aurora at Quezon dahil sa northeasterly surface windflow.

Magiging maulap na may kasamang isolated rainshowers naman ang iiral sa nalalabing parte ng bansa.