Sakaling magkaroon man ng hindi inaasahang kalamidad ngayong Holy Week naghanda ng standby funds ang Department of Social Welfare and Developmnent.
Ayon sa DSWD, mayroon silang mahigit P279 million na standby funds na bahagi ng kanilang preparedness for response sa paggunita ng Semana Santa.
Sa nasabing halaga, nasa mahigit P234 million ang nakahandang Quick Response Fund.
Para naman sa stockpiles ng DSWD, mayroong mahigit P136 million na halaga ng family food packs ang nakahanda.
Habang nasa P490 million na halaga ng food at non-food items din ang inihanda ng ahensya.
Ayon sa DSWD, bagaman walang bagyo sa bansa at inaashaan nila na magiging ligtas sa anumang kalamidad ang paggunita sa Semana Santa ng publiko ay minabuti ng ahensya na ihanda ang pondo at mga food packs upang mabilis na maipamahagi kung kakailanganin.