PACC hindi papanagutin si Sec. Aguirre sa pagkabasura ng kaso vs. drug lords
Inabswelto ng Presidential Anti-Corruption Commission si Justice Secretary Vitaliano Aguirre III sa naging papel nito sa kontrobersyal na pagbasura sa kaso laban kina Kerwin Espinosa at Peter lLim.
Sa dokumentong ipinadala sa Malakanyang, hindi inirekomenda ng PACC ang suspensyon ni Aguirre dahil hindi umano nito inaprubahan ang resolusyon na nagrekomenda ng dismissal ng drug complaint laban kina Espinosa at Lim.
Ayon kay PACC Commissioner Greco Belgica, kung titingnan ang proseso, hindi pa umabot kay Aguirre ang resolusyon. Hindi naman anya sa walang responsibilidad si aguirre dahil ito ang kalihim, pero sa tinakbuhan umano ng papel ay sadyang wala pa ito sa DOJ secretary.
Kahit anya pwedeng papanagutin si Aguirre sa kontrobersya, masyado namang mabigat na parusa kung irerekomenda nila na ito ay suspendehin.
Gayunman, ipinanukala ng PACC kay Pangulong Duterte ang preventive suspension nina Assistant State Prosecutor Michael John M. Humarang at Senior Deputy State Prosecutor Rassendell Rex F. Gingoyon na nag-endorso ng complaint’s approval at si dating acting Prosecutor General Jorge G. Catalan na nag-apruba naman sa reklamo.
Inirekomenda rin ng PACC ang lifestyle check kay Assistant State Prosecutor Aristotle Reyes na judge na ngayon Sa Lucena Regional Trial Court. Hindi na ito pwedeng suspendehin ng pangulo dahil bahagi na ito ng hudikatura.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.