BJMP mag-iinspeksyon sa Marikina City Jail; kondisyon ng mga babaeng preso, aalamin

Muling magsasagawa ng inspeksyon sa Marikina City Jail ngayong umaga si Jail Director Deogracias Tapayan ng Bureau of Jail Management and Penology (BJMP).

Makikipag-salu salo din sa almusal si Tapayan sa mga babaeng preso ng Marikina City Jail female dormitory.

Ayon kay BJMP Spokesperson Jail Senior Inspector Xavier Solda magsasagawa din ng medical mission sa mga preso.

Ito ay upang matiyak na maayos ang kanilang kondosyong pangkalusugan ngayong papasok na ang tag-init.