Walang balak si Health Secretary Janet Garin na tumakbong senador ng bansa sa 2016 elections.
Sa budget hearing sa Senado, sinabi ni Garin na hindi siya inalok ng Partido Liberal para maging bahagi ng kanilang senatorial line-up.
Paliwanag ng kalihim, kung mayroon mang naglabasang advertisement sa telebisyon, ito ay para ipabatid lamang sa publiko ang pangangalaga sa kalusugan ng tao.
Sinabi pa ni Garin na sa ngayon ay patuloy siyang maglilingkod bilang kalihim ng DOH.
Wala aniya siyang balak na iwan ang puwesto hangga’t hindi hinihiling ng Pangulong Benigno Aquino III.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.