2 sugatan sa aksidente sa Quezon City

By Justinne Punsalang March 26, 2018 - 01:59 AM

 

Kapwa duguan ang dalawang lalaki matapos maaksidente habang binabagtas sakay ng motorsiklo ang Luzon Avenue sa Quezon City.

Hindi na nagawa pang alamin ng mga rumesoundeng tanod ang pangalan ng dalawang biktima dahil inuna nilang sagipin ang mga ito at agarang itakbo sa pinakamalapit na ospital.

Kwento ng mga nakasaksi sa aksidente, mabilis ang takbo ng motorsiklo na sinasakyan ng dalawang lalaki mula sa direksyon ng UP Diliman. Pagkababa umano ng mga ito sa tulay at makarating na sa Luzon Avenue ay sumalpok ang kanilang motor sa gutter, dahilan upang parehong tumilapon ang driver at angkas nito.

Ayon sa mga rumespundeng barangay tanod, posibleng lasing ang mga biktima dahil pareho itong amoy alak.

Paalala naman ng mga otoridad, huwag nang magtangka pang bumyahe kung naka-inom para maka-iwas sa aksidente.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.