Big-time oil price hike sasalubong sa mga motorista sa Semana Santa

Sasalubong sa mga motorista sa kanilang paggunita sa Semana Santa ang malaking pagtaas sa presyo ng mga produktong petrolyo.

Nakaambang pare-parehong maglaro sa P1.00 hanggang P1.10 ang magiging pagtaas sa presyo ng diesel, gasolina at gaas.

Ang oil price hike ay bunsod ng mataas na halaga ng oil products sa world market.

Samantala, may posibilidad naman na manatili sa kasalukuyang presyo nito ang liquefied petroleum gas (LPG) o hindi kaya ay magkaroon ng kaunting tapyas sa presyo para sa buwan ng Abril.