44 na bus ng Dimple Star na bumabyahe, hinarang sa Mindoro
Kasunod ng suspensyon na ipinataw sa buong fleet o 118 units ng Dimple Star Bus Transport, hinarang ng mga otoridad ang mga bus nito na nagtakang bumyahe.
Ayon kay Supt. Imelda Tolentino, tagapagsalita ng Philippine National Police Region 4-B, nasa 44 na Dimple Star Bus ang naharang ng mga pulis.
Nabatid na may byahe ang mga bus at tatawid sana papuntang Occidental Mindoro at Oriental Mindoro.
Agad na pinababa ang daan-daang mga pasahero na sakay ng mga bus at inasistehan ng PNP para makalipat ng masasakyan.
Pansamantalang naka-hold sa Occidental Minodoro Provincial Police Office ang 22 habang ang natitirang 22 naman ay nasa grandstand ng Police Regional Office MIMAROPA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.